لكل رواية في الدنيا فصل أخير..

إلا الكويت ستبقى الرواية التي تُروى.. وتدوم

يهدي بنك الخليج هذا العمل الوطني بعنوان "رواية تدوم" للجيل الجديد من أبناء الكويت

اللهم احفظ الكويت وأميرها وشعبها من كل مكروه وأدم الأمن والأمان عليها

كلمات الرواية

حمد وحسين.. مطلق سعود.. وبدر
‫ربع وأخوان.. أهل وجيرة من عمر‬

‫حبوا بعض من قلب.. فيهم المثل يضرب‬
‫بنقول قصتهم.. من أول السطر‬

‫بنوا مدينتهم بقصة من خيال‬
‫بنهمة اليامال و صحرا ورمال‬

‫وشيدوا أرض.. حبها صبح فرض‬
‫ولا اعرفوا لحظة.. شي اسمه محال‬

‫وياهم خير.. بدا التطوير
وصارت هذي الديرة.. في هذا الكون شي كبير

‫ولا تغير أحد فيهم.. هذا أحلى ما فيهم‬
‫عسى الله لا يفرقهم.. وربي بحفظه يحميهم‬

‫مرت سنين العمر.. وحبهم هم بقى‬
‫إن كان في فرحة ولا في شقا‬

‫وفي مرة ياهم شر.. بالليل متنكر..‬
‫ياهم يبي يغدر وصار اللي صار‬

‫تحدوا الويل.. وضحوا حيل‬
‫واستشهد من استشهد‬
ولا رضى أحد يخضع‬

‫وأراد الله بفضل الله‬
وردت هذه الديرة‬
كتب الله لها ترجع‬

‫واليوم أحنا نحيا بنفس البلد‬
‫حطها في عيونك.. خلها في قلبك بعد‬

‫واعرف ترى الكويت.. بكل ما فيها‬
‫فيها ترى نعمة.. إن الله حاميها‬

‫ترى أحنا بخير.. ترى أحنا غير‬
‫ترى أحنا في وسط نعمة عسى الله لا يغير‬

‫ترى أحنا اليوم.. ننام نقوم بأمان وخير..‬
‫ترى أحنا بخير.‬